Coas ferramentas interactivas desta web queremos que descrubas ós muíños e outros rincóns de interese. A través dos mapas poderás ver a ubicación exacta dos muíños e os sendeiros antigos e novos que comunican peonilmente O Viso, Cesantes e o centro da Vila. Os muíños son os testigos mudos de todo un mundo xa perdido, pero que conformou o que somos hoxe. Grazas a fariña dos muíños, os cativos de onte, os nosos avós de hoxe, sobreviviron á fame.

Tamén poderás ver as entrevistas das persoas maiores que están vinculadas dalgún xeito ao patrimonio cultural. Consideramos que o testimonio destas persoas son un xeito de valorar os seus saberes, pero tamén de agradecer e honrar as xeracións pasadas polos seus esforzos.

Entre os teus ollos tes un "libro vivo", é dicir, que non está rematado. Pode que ti sexas unha das persoas que fagas crecer este fermoso proxecto.